
ئاڵای سعودیە و ئیسرائیل
ئاڤا دیجیتاڵ
وەزارەتی دەرەوەی سعودیە داننان بە دەوڵەتی سەربەخۆی فەڵەستین بە پێشمەرجی دروستکردنی پەیوەندی لەگەڵ ئیسرائیل دادەنێت. ئەم پەیامەشی ڕاشکاوانە بە ئەمریکا ڕاگەیاندووە.
وێنە گەورەکە: بەشێک لە پلانی ئەمریکا بۆ پرۆسەی ئاگربەستی شەڕی غەززە و دواتریش ئاشتی لە ڕۆژهەڵاتی ناوەڕاست بریتییە لە ئاساییکردنەوەی پەیوەندییەکانی نێوان سعودیە و ئیسرائیل. هاوکات بەردەوامیی شەڕی ئیسرائیل و حەماس ئاسۆکانی ئاساییکردنەوەی پەیوەندییەکانی سعودیە و ئیسرائیلی لێڵتر کردووە.
لێدوانی فەرمی: وەزارەتی دەرەوەی سعودیە لە ڕاگەیێنراوێکدا ئاماژەی بە گوتەکانی جۆن کێربی، گوتەبێژی ئەنجوومەنی ئاسایشی نیشتیمانیی ئەمریکا کردووە، سەبارەت بە گفتوگۆکانی نێوان سعودیە و ئەمریکا لەبارەی پرسی ئاشتی عەرەب – ئیسرائیل.
کێربی ڕایگەیاندبوو، جۆ بایدنی سەرۆکی ئەمریکا ئاماژەی ئەرێنی سەبارەت بە ئامادەیی سعودیە و ئیسرائیل بۆ ئاساییکردنەوەی پەیوەندییەکانیان پێگەیشتووە. لەبەرامبەردا سعودیە لە ڕاگەیێنراوەکەدا ئاماژەی بەوە کردووە هەمیشە پێداگریی لە مافی فەڵەستینییەکان کردووە و بەو جۆرەش دەمێنێتەوە.
زانیاری زیاتر: لەبارەی پەیوەندییەکانی نێوان سعودیە و ئیسرائیل، لە ڕاگەیێنراوەکەدا ئاماژە بەوە کراوە، سعودیە بە ڕاشکاوانە ئەوەی بە ئەمریکا ڕاگەیاندووە هیچ پەیوەندییەکی دیپلۆماسی لەگەڵ ئیسرائیلدا نابەستێت، تا ئەو کاتەی ئیسرائیل دان بە دەوڵەتی سەربەخۆی فەڵەستیندا نەنێت لە سەر بنەمای سنوورەکانی ساڵی 1967، کە پایتەختەکەی قودسی ڕۆژهەڵات بێت. جەختیش کراوەتەوە پێویستە هێرشی ئیسرائیل بۆ سەر کەرتی غەززە بووەستێنرێت و تەواوی هێزەکانی ئیسرائیل لەو کەرتە بکشێنەوە.
باکگراوەند: لەوەتەی شەڕی نێوان ئیسرائیل و حەماس دەستی پێکردووە، سعودیە چەندینجار هێرشی ئیسرائیل و کوشتنی هاووڵاتیانی مەدەنی لە غەززە سەرکۆنە کردووە. هاوکات داوای کردووە کار لەسەر چارەسەری دوو دەوڵەت بۆ کێشەی ئیسرائیل و فەڵەستین بکەن.

ئاڤا دیجیتاڵ
Editor
دوایین هەواڵەکان
- عێراق
- 1 کاتژمێر لەمەوپێش
تونێلێک کە عێراق بە سووریا دەبەستێتەوە ئاشکرا دەکرێت
- تەندروستی
- 1 کاتژمێر لەمەوپێش
ناوی وەزیرێکی کوردستان بە هاوبەشی ڕێکخراوێک دەچێتە نێو کتێبی گینس
هەڵبژاردەکان بۆ تۆ
ئۆتۆمبێلێک خۆی دەکات بە نێو قوتابخانەیەکدا و چەند کەسێک دەکوژێت
20 کاتژمێر لەمەوپێش
نوێنەری قەتەر فاوندەیشن چۆن وەسفی گەنجانی کورد دەکات؟
20 کاتژمێر لەمەوپێش
بۆ یەکەمجار پاڵەوانێتییەک لە عێراق و کوردستان بۆ نابینایان ڕێکخرا
29 نیسان
قاقێ لە هەولێر دەستگیر کرا؛ کێ بوو و چی کردووە؟
28 نیسان
یەکێتیی زانایان داوا دەکات کارئاسانی لە پرۆسەی هاوسەرگیری و مارەیی بکرێت
27 نیسان
- ڕۆژهەڵاتی ناوەڕاست
- 2 کاتژمێر لەمەوپێش
لە پارێزگای ریفی دیمەشق شەڕ و پێکدادان دەستپێدەکاتەوە
- ڕۆژهەڵاتی ناوەڕاست
- 21 کاتژمێر لەمەوپێش
تەقینەوەیەک لە کۆمپانیایەکی ئاسایشی نیشتمانی ئێران ڕوودەدات