سوودانی کوژرانی والی داعش لە عێراق ڕادەگەیێنێت

ئاڤا نیوز

 

سەرۆکوەزیرانی عێراق پیرۆزبایی لە گەلی عێراق دەکات بەبۆنەی کوژرانی "والی عێراق"ی سەر بە داعش و  هەشت لە سەرکردە باڵاکانی ئەو ڕێکخراوە لە ئۆپەراسیۆنێکدا لە چیای حەمرین.

 

ڕاگەیێنراوی فەرمی: محەممەد شیاع سوودانی، سەرۆکوەزیرانی عێراق لە پەیامێکدا لە تۆڕی ئێکس ڕایگەیاند: پیرۆزبایی لە گەلی بەڕێزی عێراق دەکەم بەبۆنەی کوژرانی بەناو "والی عێراق"ی سەر بە ڕێکخراوی تیرۆریستی داعش و هەشت لە سەرکردە باڵاکانی ئەو ڕێکخراوە.

 

زانیاریی زیاتر: بە گوتەی سوودانی، ئەو تیرۆیستانەیانە لە حەشارگەیەک لە چیای حەمرین کراونەتە ئامانج، لە ئۆپەراسیۆنێکی جۆری لەلایەن هێزەکانی بەرەنگاربوونەوەی تیرۆر و ئاسایشی نیشتمانی لە ژێر چاودێری فەرماندەیی ئۆپەراسیۆنە هاوبەشەکان.

 

لەلایەکی دیکەوە: سەرۆکوەزیرانی عێراق ستایشی هێزە ئەمنییەکان دەکات و جەخت لەسەر ئەوە دەکاتەوە کە "تیرۆریستان لە هیچ شوێنێکی عێراق جێگەیان نابێتەوە، لە هەر شوێنێک بێت لەنێویان دەبەین و تاوەکو خاکی عێراق لە تاوانبارانە پاک دەکەینەوە".