فاینانشاڵ تایمز: بارودۆخی ئێران ڕێگر بوو لەوەی وڵاتەکە هاوکاریی ئەسەد بکات

ئاڤا نیوز

 

ڕۆژنامەی فاینانشاڵ تایمزی بەریتانی دوای نەمانی دەسەڵاتی ئەسەد لە بڵاوکراوەیەکدا باس لەوە دەکات، وەزیری دەرەوەی ئێران بەشار ئەسەدی ئاگادارکردبووەوە لەوەی وڵاتەکەی ناتوانێت پشتیووان و هاوکاریی بکات. 

 

وێنە گەورەکە: شەڕ و پێکدادانەکانی سووریا زیاتر لە هەفتەیەکیان خایاند و گرووپە چەکدارەکانی ئۆپۆزیسیۆن دوای چەندین ڕووبەڕوونەوە لەگەڵ سوپای فەرمی ئەو وڵاتە و کۆنترۆڵکردنی چەندین شار بەرەبەیانی ڕۆژی 8-12-2024  بە کۆنترۆڵکردنی پایتەخت کۆتاییان بە دەسەڵاتی بەشار ئەسەد هێنا.

 

بڵاوکراوەی فەرمی: بە گوێرەی ئەو بڵاوکراوەیەی کە ڕۆژنامەی فاینەنشاڵ تایمز بڵاویکردووەتەوە، " عەباس عێراقچی هەفتەی ڕابردوو ئەسەدی ئاگادارکردووەتەوە کە بارودۆخی تاران ڕێگە نادات هێز و هاوکاریی سەربازی بنێرێت بۆ دیمەشق". 

 

لێدوانی فەرمی: عەباس عێراقچی، وەزیری دەرەوەی ئێران سەبارەت بە دۆخی سووریا ڕایگەیاند، ''خێرایی جموجۆڵەکان جێگەی نیگەرانی بوون و ئەوەی جێگەی سەرسوڕمان بوو بێتوانایی سوپای سووریا بوو لە ڕووبەڕووبوونەوەی گرووپە چەکدارەکان''.